父親節我們這一家去咗菠蘿🍍園玩呀。
星期日下午兩點幾入場唔算太多人，遊樂場設施都唔洗排隊就可以玩。
一入場就係餵羊🐐及兔仔🐇區，呢度比較多人d。
我同爸爸俾d草Jasmine叫佢餵羊，但係佢驚驚唔敢餵，唔知係唔係因為小接觸動物呢！不過佢見到兔兔🐰就已經好開心喇！(因為係佢最飛佛嘅動物呀❣️)
園內有三個遊樂場，d設施色彩繽紛，好多小朋友都玩得好開心呀。
除左遊樂場同埋經過菠蘿🍍田認識菠蘿之外，園內仲有好多影相位架。
沿路行過仲會見到菠蘿蒙古包及貼心餵奶🤱區，最後去到士多就行完哂喇。
難得黎到當然要試吓冰菠蘿，菠蘿特飲及真係菠蘿包啦，入面仲有雪糕添😋
基本入場費已包農莊地圖填色畫，祈福牌或沙畫，羊🐐或兔仔🐰飼料及飲品一枝。
佢地仲有好多唔同套票可以買，例如種植蔬菜🥕，菠蘿包🥖/砵仔糕製作班，農耕體驗等等，我同爸爸都只買左基本票，諗住等Jasmine 大d先玩其他。
💥溫馨提示：
🔹一定要做防蚊🦗措施，我搽左蚊膏都俾蚊針左好多粒仲要勁大粒添😭
🔸如果想玩埋製作班就要早d入場喇，最早嗰班11am開始架。
🔹而家天氣咁熱，最好帶定遮☂️同風扇以防中暑呀，水就可以士多買！
🔸如果揸車🚗前往，千祈唔好諗住跟Google map去，因為係去唔到架！一定一定要泊車喺錦上路站個停車場🅿️，再行幾分鐘就到。
有機薈低碳農莊 Go Green Organic Farm
#菠蘿園 #親子好去處 #週末好去處
Search